Əhməd Abdullahzadə
Azərbaycan Müdafiə Sənayesi Nazirliyi-Elektronika Mühəndisi
Azərbaycan Texniki Universitetində Elektronika Mühəndisliyi üzrə bakalavr, eyni universitetdə isə Radioelektron Mübarizə Vasitələri istiqaməti üzrə magistr təhsili almışdır. O, 6+ illik praktiki təcrübə ilə elektronika mühəndisliyi, embedded sistemlər, PCB dizaynı və mikrokontroller əsaslı sistemlərin (STM32 platforması, bare-metal və HAL əsaslı inkişaf) hazırlanması və inteqrasiyası sahələrində ixtisaslaşmışdır. Analoq və rəqəmsal elektronika, RF əsaslı sistemlər və mixed-signal dizayn sahələrində güclü mühəndislik bacarıqlarına malikdir. Hazırda Azərbaycan Müdafiə Sənayesi Nazirliyində Elektronika Mühəndisi kimi fəaliyyət göstərərək radio-elektron sistemlərin diaqnostikası, modernizasiyası və müxtəlif elektron sistemlərin inkişafı üzrə mühəndislik tapşırıqlarını icra edir. Bununla yanaşı, ABC Telecom-da və özəl sektorda elektronika cihazlarının servis, təmir və sistem səviyyəsində layihələndirilməsi üzrə təcrübə qazanmış, həmçinin IoT və telekommunikasiya yönümlü startup layihələrində hardware və embedded development sahəsində iştirak etmişdir. O, Altium Designer və KiCad mühitlərində professional PCB dizaynı, embedded firmware development (C/C++, STM32), hardware debugging, prototipləmə və sistem inteqrasiyası sahələrində çalışır. EMC/EMI uyğunluğu, RF sistemlərin əsas prinsipləri və sənaye səviyyəli elektron sistemlərin optimizasiyası üzrə praktiki biliklərə malikdir. Qazandığı mühəndislik təcrübəsini elektronika və embedded sistemlər üzrə təlim və mentorluq fəaliyyəti vasitəsilə gənc mütəxəssislərə ötürür.
