Python proqramlaşdırma dilinin üstünlükləri – Java ilə müqayisə və doğru seçim

Python proqramlaşdırma dilinin üstünlükləri

Proqramlaşdırma dünyasına ilk addımı atanlar və ya yeni texnologiyalar öyrənmək istəyənlər üçün ən çox verilən suallardan biri budur: “Python yoxsa Java?”. Hər iki dilin özünəməxsus güclü tərəfləri var, lakin Python son illərdə xüsusilə geniş yayılmış və müxtəlif sahələrdə tətbiq olunan populyar proqramlaşdırma dilinə çevrilib.
Bu məqalədə Python-un əsas üstünlüklərindən bəhs edəcəyik və Java ilə müqayisə edərək hansı dili seçməyin sizə daha uyğun olduğunu araşdıracağıq.

Python-un əsas üstünlükləri

1. Sadə və oxunaqlı sintaksis

Python-un ən böyük üstünlüklərindən biri onun insan dilinə bənzər sintaksisə malik olmasıdır. Bu da onu yeni başlayanlar üçün ideal edir. Kod yazmaq və oxumaq Java ilə müqayisədə daha asandır.

2. Sürətli inkişaf və prototipləmə

Python ilə layihələrin ilkin versiyasını (prototipini) qısa zamanda hazırlamaq mümkündür. Bu, startaplar və sürətli testlər üçün idealdır.

3. Geniş istifadə sahəsi

Python aşağıdakı sahələrdə geniş istifadə olunur:

Veb proqramlaşdırma (Django, Flask)

Məlumat elmi (Pandas, NumPy)

Süni intellekt və maşın öyrənməsi (TensorFlow, Scikit-learn)

Avtomatlaşdırma və skript yazmaq

Mobil və masaüstü proqramlar

4. Böyük icma və resurslar

Pythonun aktiv istifadəçi icması var. Bu isə o deməkdir ki, internetdə istənilən problemlə bağlı kifayət qədər dərs vəsaiti, forum və kitab tapmaq mümkündür.

5. Kross-platform dəstəyi

Python Windows, MacOS və Linux sistemlərində problemsiz işləyir. Bu da onu müxtəlif əməliyyat sistemlərində layihə inkişaf etdirmək üçün əlverişli edir.

Java ilə müqayisədə fərqlər

Performans

Java daha çox "compile" olunan bir dil olduğu üçün bəzi hallarda daha sürətli işləyə bilər. Ancaq Python-un sadəliyi onu daha çevik edir.

Yazılma uzunluğu

Java-da eyni funksionallıq üçün daha çox kod yazmaq tələb olunur. Məsələn, sadə bir "Hello World" proqramı Java-da daha uzundur

OOP və Struktur

Java tam obyekt yönlü bir dildir. Python isə həm obyekt yönlü, həm prosedural yanaşmaları dəstəkləyir.

Tətbiq sahələri

Java daha çox korporativ sistemlər, Android proqramları və bank sistemlərində istifadə olunur.

Python isə data analitika, AI və veb inkişaf üçün daha uyğundur.

Python yoxsa Java - Hansını seçməli?

Bu sualın cavabı sizin məqsədinizdən asılıdır                                                          

Əgər məqsədiniz süni intellekt, data analitika, maşın öyrənməsi və ya avtomatlaşdırma sahəsində işləməkdirsə, Python bu sahələrin lider dilidir. Məsələn, Pandas, NumPy, TensorFlow kimi güclü kitabxanalar bu dili bu sahələrdə demək olar ki, standart halına gətirib.

Əgər mobil proqramlaşdırma – xüsusilə Android tətbiqləri hazırlamaq istəyirsinizsə, Java bu sahədə daha çox istifadə olunur. Google-un rəsmi olaraq dəstəklədiyi Android inkişaf mühiti (Android Studio) Java əsaslıdır (və Kotlin dəstəyi ilə birgə işləyir).

Əgər siz korporativ (enterprise) sistemlərdə, bank texnologiyalarında və ya iri miqyaslı layihələrdə çalışmaq istəyirsinizsə, Java burada üstünlük təşkil edir. Onun sabitliyi, təhlükəsizliyi və illərlə formalaşmış strukturu onu bu sahələr üçün əlverişli edir.

Əgər siz qısa zamanda nəticə əldə edib freelans layihələrə başlamaq və ya tez-tez yeni ideyaları sınaqdan keçirmək istəyirsinizsə, Python daha çevik və məhsuldar seçimdir.