Cavid Kişiyev
Hal-hazırda Azercell şirkətində Growth Product Manager vəzifəsində çalışır.
Bank və telekommunikasiya sektorlarında 10 ildən artıq təcrübəyə malikdir. Son illər ərzində rəqəmsal məhsulların inkişafı, monetizasiya strategiyası, istifadəçi artımı və kommersiya performansının yaxşılaşdırılması istiqamətində fəaliyyət göstərir. Karyerasına bank sektorunda başlamış, rəqəmsal bankçılıq sahəsində əvvəlcə biznes analitik, daha sonra isə məhsul sahibi kimi çalışmışdır. Bu müddətdə mobil və veb platformalarda həm fərdi, həm də korporativ müştərilər üçün müxtəlif rəqəmsal həllərin hazırlanması və inkişafına rəhbərlik etmişdir. Hazırda telekommunikasiya sektorunda məhsulun böyümə strategiyasının qurulması, gəlir modellərinin optimallaşdırılması, müştəri davranışlarının analizi, data əsaslı qərarvermə və eksperiment (A/B test) yanaşmalarının tətbiqi üzrə fəaliyyət göstərir. Məhsulun tam həyat dövrünün — problem discovery mərhələsindən strategiya, MVP müəyyənləşdirilməsi, delivery prosesi və sonrakı optimizasiya və scale mərhələsinə qədər — idarə olunmasında praktiki təcrübəyə sahibdir. Agile və Scrum metodologiyalarını real iş mühiti ilə birləşdirərək, həmçinin Growth, Product-Market Fit, KPI sistemi (ARPU, LTV, Retention və s.) və eksperiment əsaslı inkişaf yanaşmalarını tələbələrlə praktik nümunələr üzərindən paylaşmağı hədəfləyir. Azərbaycan Dövlət İqtisad Universitetində bakalavr və magistratura təhsili almışdır. Məqsədi tələbələrə yalnız nəzəri bilik deyil, real bazar təcrübəsinə əsaslanan, praktik və tətbiq oluna bilən məhsul idarəçiliyi yanaşmasını ötürməkdir.
