Cəmil Şirinbəyov
Cuzdan MMC və BitAZN MMC-Daxili Nəzarət və Komplayens şöbəsinin müdiri
Cəmil Şirinbəyov 2013–2017-ci illərdə Xəzər Universitetində Maliyyə ixtisası üzrə bakalavr, 2019–2020-ci illərdə isə Böyük Britaniyanın Essex Universitetində Beynəlxalq Menecment ixtisası üzrə magistr təhsili almışdır. Peşəkar fəaliyyətinə 2018-ci ildə Deloitte Touche LLC-də Audit şöbəsində başlamışdır. 2018–2019-cu illərdə isə Gilan Holding-də Audit şahəsində fəaliyyət göstərmişdir. Bu mərhələdə audit, maliyyə hesabatlılığı, təchizatçılarla iş və müxtəlif korporativ sistemlərlə işləmək üzrə praktiki təcrübə qazanmışdır. 2019-cu ildə Azərbaycan Beynəlxalq Bankında kreditlərin qiymətləndirilməsi və risklərin idarə edilməsi istiqamətində çalışmışdır. 2020–2022-ci illərdə isə ABB-də müxtəlif vəzifələrdə çalışmışdır. 2022-2024- cü illərdə ABB-nin Maliyyə Monitorinqi və Komplayens Departamentində çalışmışdır. Bu dövrdə daxili qayda və prosedurların hazırlanması, hesabatların və rəsmi sorğulara cavabların tərtib edilməsi, ƏL/TMM proseslərinin icrası, müştərilərin lazımi yoxlanılması proseslərində iştirak, memorandum və digər mürəkkəb sənədlərin hazırlanması, həmçinin biznes bölmələrinə komplayens və ƏL/TMM məsələləri üzrə dəstək göstərmişdir. 2024-2026-cı ilədək PAŞA Kapital İnvestisiya Şirkətində Baş Komplayens Mütəxəssisi vəzifəsində fəaliyyət göstərmişdir. Burada daxili qayda, siyasət və prosedurların hazırlanması və yenilənməsi, ƏL/TMM proseslərinin idarə olunması, müştərilərin lazımi yoxlanılması, sanksiya nəzarəti, dövlət və tənzimləyici qurumlarla münasibətlərin koordinasiyası, komplayens risklərinin müəyyən edilməsi və monitorinqi, tədbirlər planlarının hazırlanması, maraqlar toqquşmasının idarə olunması, FATCA və CRS hesabatlarının hazırlanması, əməkdaşlara təlimlərin keçirilməsi, audit və tənzimləyici yoxlamalarda iştirak kimi istiqamətlər üzrə çalışmışdır. 1 iyun 2026-cı ildən etibarən Cüzdan Pay-də Daxili nəzarət və komplayens şöbəsinin müdiri və ƏL/TMM üzrə məsul şəxs kimi fəaliyyət göstərir. Onun əsas vəzifələrinə daxili qayda, siyasət və prosedurların hazırlanması və aktual saxlanılması, ƏL/TMM proseslərinin idarə edilməsi, biznes bölmələrinə komplayens, sanksiyalar və tənzimləyici məsələlər üzrə dəstəyin göstərilməsi, dövlət və tənzimləyici qurumlarla münasibətlərin idarə olunması, komplayens risklərinin müəyyən edilməsi və qiymətləndirilməsi, daxili nəzarət sisteminin qurulması və təkmilləşdirilməsi, nəzarətlərin effektivliyinin yoxlanılması, nəzarət çatışmazlıqlarının müəyyən edilməsi və aradan qaldırılmasının monitorinqi, yeni məhsul və xidmətlərin risk və nəzarət baxımından qiymətləndirilməsi, rəhbərlik üçün hesabatların hazırlanması, habelə vəzifələrin ayrılığı, dörd göz və hazırlayan-yoxlayan nəzarət mexanizmlərinin tətbiqinə nəzarət daxildir. Eyni zamanda, 1 iyun 2026-cı ildən BitAZN MMC-də Daxili nəzarət və komplayens şöbəsinin müdiri kimi fəaliyyət göstərir və burada Cüzdan Pay-də icra etdiyi eyni funksiyaları həyata keçirir.
